جزء كبير من مشاكل مجال الـ Digital Marketing هي في المفاهيم المغلوطة في المجال، بالإضافة لفهلوة بعض المحسوبين على المجال
يعني ايه الكلام ده ؟
– يعني شركات كتيرة واخدة انطباع سيء عن مجال التسويق الإلكتروني بسبب أنهم تعاقدوا مع شخص أو مع كيان علشان يعملوا دعاية اون لاين وليكن على الفيسبوك ولكن في الأول النتايج بتكون مبهرة (Likes & Comments) كتيرة وتفاعل كبير لكن بعد فترة الشركات دي بتلاقي ان الموضوع مبيكونش ليه عائد كبير وأحيانا مبيكونش في معدلات بيع أساساً فا بالتالي بياخدوا انطباع سيئ عن المجال انه مش بيحقق بيع .
ودي نتيجة أدي ليها أن كتير من المحسوبين على المجال (سواء شركات أو أفراد) بيكونوا هما نفسهم مش فاهمين ولا دارسين تسويق وشغلهم بيكون بدون دراسة حقيقة للسوق وبالتالي بعدم دراية للعميل المستهدف للإعلان فا بالتالي بتكون النتايج عبارة عن تفاعل على الصفحة لايكس وكومنتس كتيرة لكن للأسف بدون اي نتايج فعلية ..!!
إحنا النهاردة جايين نوضح كل المفاهيم المغلوطة دي علشان لو انت شركة تعرف تختار لشركتك حد او شركة تسويق محترمة تديلك نتائج فعلية مش مجرد أرقام لايكس وكومنتس .
مبدئياً: الــ Likes & Comments عمرهم ما كانوا معدل نجاح .؟!
– معدل النجاح الحقيقي للإعلانات على الفيسبوك هو النتايج الفعلية المتمثلة في إتصالات العملاء أو حضور العملاء فعلياً لشركتك وده ممكن يتحقق بإعلان يكون معمول ليه Targeting محدد بيستهدف العملاء بتوعك فقط مش حد غيرهم فا بالتالي معدل الــ Likes & Comments هيكون أقل آه لكن النتايج الفعلية (العملاء) هتكون أكتر وبالتالى هيحصل بيع .
– على سبيل المثال، إللي حصل في إنتخابات النادي الأهلي، المهندس محمود طاهر أشتغل في إعلاناته على التواجد الكبير (من غير ما يستهدف جمهوره الفعلي “أعضاء الجمعية العمومية” ) فكانت النتيجة ان ناس كتيره شافت حملته وتفاعلت معاها وانبهروا بالانجازات الي حققها لكن في النهاية خسر ..!!
لأن حملة الكابتن محمود الخطيب كانوا مستهدفين كويس أوي الفئة اللي هما عايزينها (الجمعية العمومية) لان دول هما الي ليهم حق الانتخاب وبالتالي رأيهم هما إللي مهم دلوقتي علشان يكسبوا .. وبالفعل كسبوا (رغم ان التفاعل بتاع حملة المهندس محمود طاهر كان اكبر واتصرف عليه اكتر بكتير) لكن انه سحر الــ Targeting يا سادة .
وفي حاجة كمان مهمة:
– التوقيت في حد ذاته مهم جداً ولازم يكون مدروس مش مجرد أعلان بيتعمل على الفيسبوك وخلاص يعني هل الفترة الي نزلت فيها بالاعلانات دي كانت فترة موسم ولا فترة اجازات؟.
والشركة القائمة على شغل التسويق لشركتك انها بتعملها عشان تقدر تحققلك افضل النتايج.
زي إعلانات التبرعات لو اتعملت على مدار السنة هتلاقي عليها تعاطف كبير وتأثير كبير فعلاً لكن النتايج الفعلية على مدار السنة تكاد تكون معدومة لكن شوف نفس الاعلانات دي بس في فترة رمضان فقط بتكون نتايجها الفعلية عاملة ازاي!!.
ثانياً: أوعى تصدق أي أرقام تتقالك في البداية !.
– ظهرت مؤخراً بعض الكيانات (مش هنقول شركات) بتعمل إعلانات بتروج من خلالها على فكرة انك لو دفعت مبلغ كذا هنعملك إعلان يجيبلك كام الف لايك ويوصل لكام ألف عميل !!
متصدقش الكلام ده لانه مش حقيقي وسبب أساسي في الانطباع السيئ عن مجال التسويق الإلكتروني البرئ منهم تماماً.
وهنقولك دلوقتي بالدليل ليه ..
– الكيانات دي بعيدة كل البعد عن التسويق وعن علم التسويق لأن أولاً مفيش حاجة في علم التسويق تخليك تتوقع حتى مجرد توقع نتايج قبل التخطيط للحملة ..!! فا بالتالي دي كيانات هي مش فاهمة يعني ايه تسويق
– هنقولك على تجربة اعملها بنفسك معانا ..
أفتح الــ Ads Manager في الفيسبوك،
وبتدي أعمل حملة وهنخلي مبلغ 200 جنيه ثابت معانا ومش هنغيره لكن في كل مرة هنغير الــ Targeting
في المرة الاولي حط اللوكيشن | Location مصر كلها .. هتلاقي الــ Potential reach 32 مليون
ومعدل الوصول بالـ 200 جنيه دول (Estimated daily Reach) = من 1700 شخص إلى 8 آلاف شخص
دلوقتي زود على اللوكيشن تحديد سن .. وليكن مثلاً خلي السن من 22 لــ 40 سنة
هتلاقي الــ Potential reach 19 مليون ومعدل الوصول Reach بقى من 1700 شخص إلى 6800 شخص
ودلوقتي خلي فئة النوع محددة .. يعني رجال او سيدات .. لو خليتها مثلاً رجال فقط
هتلاقي الــ Potential reach 12 مليون ومعدل الوصول Reach بقى من 1600 شخص إلى 6600 شخص
طيب مع كل ده لو غيرت اللوكيشن بتاع مصر كلها .. وخليته القاهرة فقط مثلا.ُ
هتلاقي الــ Potential reach 4.600 مليون ومعدل الوصول Reach بقى من 1500 شخص إلى 6400 شخص
وهكذا .. كل ما هتغير حاجة في الــ Targeting هيتغير معدل وصول الإعلان للعملاء، وبالتالي معدل التفاعل هيتغير، وبالتالي معدل المبيعات هيختلف،
فا تقدر تقولي حضرتك، الناس دي او الكيانات دي قدرت تحدد هتوصلك للعدد ده من عملائك ازاي .. من غير ما تعرف انت بتستهدف مين، او هتدفع كام للإعلان، او حتى منتجك مين ومين الجمهور المهتم بيه .؟!!
لو عايز تعرف اكتر كلمنا على رسايل الصفحة m.me/Select.Customers
خدمة العملاء : 01013100178